ОХУ-ын Гадаад харилцааны сайд Сергей Лавров БНАСАУ-д албан ёсны айлчлал хийж, тус улсын удирдагч Ким Чентай уулзсан байна. Энэ талаар ОХУ-ын Гадаад харилцааны яамнаас мэдээлснийг ТАСС агентлаг уламжлав.

Тус яамны мэдээлэлд, Сергей Лавров айлчлалынхаа үеэр БНАСАУ-ын Гадаад хэргийн сайд Ри Ён Хо-той БНАСАУ, ОХУ-ын хоорондын найрамдалт хамтын ажиллагааг цаашид хөгжүүлэх, хэтийн төлөв байдал болон энэ онд тохиож буй 70 жилийн ойг тэмдэглэн өнгөрүүлэх талаар хэлэлцсэнийг тэмдэглэжээ. Мөн хоёр улсын харилцаа болон Солонгосын хойгийн нөхцөл байдлын талаар санал солилцсон байна.

“РИА Новости” агентлагийн мэдээлснээр, уулзалтын үеэр Сергей Лавров Орос улс Өмнөд болон Хойд Солонгосын хэлэлцээг хэрэгжүүлэхэд бэлэн байгаагаа илэрхийлж, БНАСАУ-ын удирдагч Ким Чен Уныг ОХУ-д айлчлахыг урьжээ.

Б.Саруул