АНУ-ын хамгийн олон үйлдэлт шинэ загварын "F-35" сөнөөгч, бөмбөгдөгч дөрвөн онгоц Британийн Норфлок дэх Нисэх хүчний баазад газардсан талаар эх сурвалжууд онцолж байна. Энэ нь Их Британи АНУ-аас худалдан авахаар төлөвлөж байгаа 138 сөнөөгч онгоцны эхний ээлж юм байна. Шинэ үеийн Британийн сөнөөгч онгоцуудын эхний хэсэг нь ийнхүү төлөвлөсөн хугацаанаасаа хоёр сарын өмнө ирээд байгааг Хатан хааны нисэх хүчин болон Их Британийн тэнгисийн цэргийн хүчнийхний хувьд чухал үйл явдалд тооцож байгаагаа албаныхан мэдэгджээ. Их Британийн тал нийт 138 онгоцыг 2021 оноос өмнө 12 тэрбум фунт стерлингээр худалдан авахаар тохиролцоонд хүрсэн байна.