Хятадын зах зээлд нээлтээ хийсэн “Xiaomi Mi Max 3” ухаалаг гар утас 260 ам.долларын үнэтэйгээр Азийн орнуудад худалдаж эхэллээ. Ухаалаг гар утасны салбарын хүчтэй өрсөлдөгч “Шиаоми” компанийн энэхүү шинэ загвар нь 2160x1080 пикселийн нягтаршилтай, 6.9 инчийн дэлгэц, өндөр хүчин чадал бүхий хос камер, хурууны хээ мэдрэгчтэй, хурдан цэнэглэгддэг, цэнэгээ удаан барьдаг онцлогтой. Хоёр төрлийн загвартайгаар худалдаанд гарч буй“Xiaomi Mi Max 3” гар утас нь дөрвөн гега рамтай, 128 гега санах ойн багтаамжтай юм. Мөн 12 мегапиксел камертай юм байна. Борлуулалтын салбарт хэрэглэгч, худалдан авагчдын тоо өндөр байх болно гэдгийг “Шиаоми”компанийн удирдлагууд онцолсон байна. Мөн зах зээлд өмнөх загвар нь захиалга, үйлдвэрлэлт их байсан тул энэ удаад өмнөх загвараасаа илүү хувиар борлуулна гэж үзжээ.

Х.Заяа