Улаанбаатарт ажилласан ажлын хэсгийн сүүлийн очсон газар нь Монголын улаан загалмай нийгэмлэг. Монгол улсын нутаг дэвсгэр дээр хүмүүнлэгийн салбарт төрдөө нэмэлт хүч болж ажиллах цорын ганц үндэсний нийгэмлэг болох улаан загалмай нийгэмлэгийн анхан шатны хороо манай компанид бий. 2000 оноос хойш анхан шатны хороогоороо дамжуулж  хүмүүнлэгийн олон арван ажилд идэвхитэй оролцож, цас зуд байгалийн гамшигт нэрвэгдсэн хүн ардад хандив тусламж өгөх ажилд манлайлан оролцдог байв.

Хүмүүнлэгийн шилдэг үйлстнүүдэд өгдөг “НИГҮҮЛСЭЛ” медалийг хүртсэн цөөн хэдхэн байгууллагын нэг нь манайх. МУЗН-тэй сургалтын чиглэлээр жил бүр хамтран ажилладаг. Энэ удаад ч бас уурхайчид маань анхны тусламжийн сургалтанд сууж мэдлэг мэдээллээ сайжруулаад авлаа.