Өвлийн ачаалал эхэлж байгаатай зэрэгцээд жижиг хэрэглэгчид буюу авто машинаар нүүрс авч байгаа иргэдийн тоо сүүлийн өдрүүдэд нэмэгдэж өдөрт дунджаар 100 гаруй гадны машин уурхайн  үйлдвэрлэлийн бүсэд нэвтэрч байна.

Эдгээр машинуудын жолооч нарт заавал мэдэж байвал зохих заавар, зааварчилгааг Үйлдвэр борлуулалтын албаны ээлжийн дарга А.Мөнхбат өнөөдөр танилцуулж, гадны машины ачилтын паспортыг өглөө.

Нүүрс ачиж буй жолооч нар Багануур ХК-д мөрдөгдөх замын хөдөлгөөний дүрэм, гадны машинд нүүрс ачих, борлуулах журамтай танилцаж, санал хүсэлтээ илэрхийлсэн.

Цаашид ээлжийн дарга нар үйлдвэрлэлийн үйл ажиллагаанд саад учруулахгүйгээр нүүрс ачуулах зорилгоор гадны машины жолооч нарт заавар зааварчилгааг тогтмол өгч ажиллана гэлээ.