Туркийн Батлан хамгаалах аж үйлдвэрийн тэргүүлэх зөвлөлийн ажилтнуудыг оролцуулан зургаан сэжигтнийг авлигын хэргээр баривчилсан тухай шүүхийн байгууллагаас мэдээлэв.

Баривчлах ажиллагаа нь Туркийн үндэсний тагнуулын газар болон цагдаагийн байгууллагын хамтарсан ажиллагааны хүрээнд батлан хамгаалах салбарт хууль бус үйл ажиллагаа явуулж байсан бүлэглэлийн эсрэг авсан арга хэмжээний нэг хэсэг байсан гэж нийслэл Анкара хотын Ерөнхий прокурорын газраас мэдэгдэв.

Жилийн турш үргэлжилсэн мөрдөн байцаалтын явцад Туркийн эрх бүхий байгууллагууд батлан хамгаалахын зарим ажилтнууд голчлон санхүүгийн асуудал, эх үүсвэрийн талаар төслийн мэдээллийг мөнгө олох зорилгоор гадаадын батлан хамгаалахын компаниудад задруулсан болохыг тогтоожээ.

Сэжиглэгдэж буй албан тушаалтнуудыг олон сарын турш мөрдөн байцаалтад байлгаж, батлан хамгаалах салбарын тендерийн авлигын хэрэгт хяналт тавьж байжээ.

Мэдээлэлд дурдсанаар сэжигтнүүдийн албан өрөө болон оршин суугаа газруудад нэгжлэг хийх явцад их хэмжээний гадаад валют, дижитал материалыг хураан авсан байна.

Эх сурвалж: www.trtworld.com