Нью-Йоркийн метронд мягмар гарагийн өглөө галт зэвсэгтэй этгээд халдаж, 20 хүн шархдуулжээ. Уг хэрэгтэй холбоотой байж болзошгүй сэжигтэн 62 настай Фрэнк Р Жэймс гэгчийг цагдаагийнхан эрэн сурвалжилж байна. Тэрээр U-Haul компанийн ачааны машин хөлсөлсөн бөгөөд хэргийн газраас түүний түлхүүр олдсон байна.

Брүүклин дүүргийн 36 дугаар гудамжны буудалд өглөө 08:30 цагт болсон халдлагын үеэр гэмт этгээд 33 удаа буудаж, 10 хүн шархдууллаа гэж Нью-Йоркийн цагдаагийн газраас мэдээлжээ. Таван хүний биеийн байдал хүнд ч тогтвортой байна гэв. Сэжигтэн этгээд гал нээснийхээ дараа утаа гаргагч хаясан бөгөөд хэргийн газраас тэсрэх бөмбөг олджээ.

Сэжигтний талаар мэдээлэл өгсөн хүнд 50 мянган долларын шагнал амлаад байна.