СӨҮЛ. /RIA Novosti/. БНАСАУ-ын баллистик пуужингийн туршилтын хариуд БНСУ, АНУ пуужин харвасан байна. Энэ тухай “Үonhap” агентлаг БНСУ-ын Зэвсэгт хүчний Штабуудын дарга нарын нэгдсэн хорооны мэдээллээс эш татан уламжилжээ. Хамтарсан туршилтын үеэр найман пуужин харвасан байна.

БНАСАУ ням гарагт Японы тэнгис рүү дор хаяж хоёр цэгээс ойрын тусгалтай найман баллистик пуужин харважээ. Пуужингууд 300-400 километр ниссэн бөгөөд нислэгийн дээд өндөр нь 50-100 километр байсан гэж Японы Батлан хамгаалах яам мэдэгджээ.

Харин БНСУ-ын цэргийнхэн нислэгийн хүрээ нь 110-670 километр, дээд өндөр нь 25-90 километр, хурд нь 3-6 орчим Мах байсан гэж үзэж байна. БНАСАУ он гарснаас хойш 18 дахь удаагаа пуужин туршсан байна. Тус улс хамгийн сүүлд тавдугаар сарын 25-ны өглөө гурван баллистик пуужин харвасан билээ хэмээн Монцамэ агентлаг мэдээллээ.