Баянгол дүүргийнхээ 1-34 хорооны иргэдтэй хийх уулзалт өнөөдөр эхэллээ.

Уулзалтад манай дүүргийн төмөр замын бүс буюу 1, 3 дугаар хорооны 300 гаруй оршин суугч оролцсон бөгөөд иргэддээ 2021-2023 онд дүүрэгт хийгдсэн хөрөнгө оруулалт, бүтээн байгуулалтын ажил болон төрийн үйлчилгээг иргэдэд хүргэх чиглэлээр хийж, хэрэгжүүлж буй ажлаа тайлагналаа.

Уулзалтын үеэр иргэд, оршин суугчид маань өөрсдөд тулгамдаж буй асуудал, тэр дундаа СӨХ-ны үйл ажиллагааг сайжруулах, дээвэр засвар, гэрэлтүүлэг, явган зам, камержуулалт, хог ачилтыг сайжруулах талаар санал, гомдлоо хэллээ.

Уулзалтад оролцож байгаа иргэдийн #санал_хүсэлтийг дүүргийн ЗДТГ-ын хэлтэс, албад шууд хүлээн авч, холбогдох мэдээллүүдийг иргэддээ өглөө. Мөн уулзалтад оролцсон иргэдийнхээ санал хүсэлтийг дүүргийн ЗДТГ-ын холбогдох хэлтэс албад хүлээн авч #цаашдын_үйл_ажиллагаандаа тусгаж ажиллах юм.