Баянгол дүүргийнхээ 1-34 хорооны иргэдтэй хийх уулзалтаа өчигдөр (2024.01.05) эхлүүлсэн. Өнөөдрийн уулзалтад 2, 33 дугаар хорооны оршин суугчид оролцсон бөгөөд иргэддээ 2021-2023 онд дүүрэгт хийгдсэн хөрөнгө оруулалт, бүтээн байгуулалтын ажил болон төрийн үйлчилгээг иргэдэд хүргэх чиглэлээр хийж, хэрэгжүүлж буй ажлаа тайлагналаа. Мөн 2024 онд дүүрэгт хийгдэх хөрөнгө оруулалт, бүтээн байгуулалтын ажлаа товч танилцууллаа.

Мөн уулзалтын үеэр иргэд, оршин суугчид маань өөрсдөд тулгамдаж буй асуудал болох хүүхдийн тоглоомын талбайн тохижилт, СӨХ-ны үйл ажиллагааг сайжруулах, дээвэр засвар, фасад дулаалга, хог ачилтыг сайжруулах талаар санал, гомдлоо хэллээ. Уулзалтад оролцож байгаа иргэдийн #санал_хүсэлтийг дүүргийн ЗДТГ-ын хэлтэс, албад шууд хүлээн авч, холбогдох мэдээллүүдийг иргэддээ өглөө.