Зүүн 4 замаас Баруун 4 зам хүртэлх төв замын 21 байршлын жижиг зогсоолыг хааж, явган хүний зам болгохоор болжээ.

Өмнө нь энэ зогсоолуудад өдөрт 300 жолооч автомашинаа байрлуулдаг байсан байна. Харин зогсоол дүүрсэн үед нэгдүгээр эгнээнд давхардуулж тавьснаар түгжрэлийн 25-30 хувийг эзэлдэг байв.

Тэгвэл энэ талаар Нийслэлийн Автозамын хөгжлийн газрын мэргэжилтэн Б.Ширэндэв “Улаанбаатар хотын автозамын түгжрэлийг бууруулах үндэсний хорооны зөвлөмжийн дагуу өнгөрсөн 2023 оны арванхоёрдугаар сарын 28-наас  эхлэн төв зам дагуух зогсоолуудыг хаасан. Өдөрт багадаа энэ зогсоолуудад  300  жолооч  автомашинаа байрлуулдаг. Зогсоол дүүрсэн  үед автомашинаа нэгдүгээр эгнээнд давхардуулж тавьснаар түгжрэлийн 25-30 хувийг эзэлдэг” хэмээжээ.