Өнөөдөр ихэнх нутгаар цаг агаар тогтуун, нутгийн зүүн хагаст хүйтний эрч хэвээр байх ч маргаашаас зарим нутагт цас орно.

Тодруулбал, маргааш буюу 2024 оны хоёрдугаар сарын 3-нд баруун аймгуудын нутгийн зарим газраар, нөгөөдөр баруун аймгуудын нутгийн зүүн хэсэг, төв болон говийн аймгуудын нутгийн зарим газраар цас орно. 

Мөн хоёрдугаар сарын 5-нд төв болон говийн аймгуудын нутгийн зүүн хэсэг, зүүн аймгуудын ихэнх нутгаар, 6-нд зүүн аймгуудын нутгийн зүүн хэсгээр цас орохыг цаг уурын байгууллагаас мэдээлж байна. 

Салхи ихэнх хугацаанд секундэд 4-9 метр, 3-нд Алтайн салбар уулс болон говь, талын нутгаар секундэд 12-14 метр хүрч ширүүснэ.