Сар шинийн баярыг угтсан бүх нийтийн их цэвэрлэгээг нийслэлийн хэмжээнд зохион байгуулж буй. Их цэвэрлэгээнд Баянгол дүүргийн ЗДТГ, 1-34 хороо, харьяа хэлтэс, байгууллага, цэвэрлэгээ, үйлчилгээний 4 байгууллагын бүх албан хаагч нийтийн эзэмшлийн гудамж зам талбайг баталсан хуваарийн дагуу цэвэрлэж ажиллалаа. Цэвэрлэгээнээс гарсан 431 тонн хар цасыг 88 рейсээр ачиж, тээвэрлэв. Бүх нийтийн их цэвэрлэгээнд нэгдэн нийтийн эзэмшлийн зам талбай, гадна орчноо цэвэрлэсэн нийт иргэд, аж ахуйн нэгж байгууллагууддаа баярлалаа.