Төв аймгийн Сэргэлэн сумын нутаг Хөшигийн хөндийд 2024 оны дөрөвдүгээр сарын 4-5-нд  шилжих шөнө "Ээж хайрхан"-аас буцаж явахдаа шаварт суусан тухай дуудлага олон ирлээ.

Дуудлагын дагуу шуурхай бүлэг ажиллаж, нийт есөн автомашинтай 23 том хүн, 11 хүүхдийн хамт татан гаргав.

Түүнчлэн Завхан аймгийн Тэс суманд шаварт суусан хоёр автомашиныг татан гаргалаа.

Цаашид ч энэ төрлийн дуудлага, мэдээллийн тоо ихсэх хандлагатай байна.

Тиймээс ус шавар ихтэй зам, харгуй, даваагаар аль болох зорчихгүй, баталгаат замаар зорчиж болзошгүй эрсдэлээс сэргийлэхийг ОБЕГ-аас анхааруулж байна.