НАРАНТУУЛЫН УУЛЗВАРААС ЗЦГ-ЫН БАРУУН УРД УУЛЗВАР ХҮРТЭЛ АЧААНЫ МАШИН ЯВАХГҮЙ
- 2012-06-24
- Өөр өнцөг
- 0
Нарантуул захын баруун урд уулзвараас Баянмонгол хорооллын замыг холбосон шинэ зам ашиглалтад орсон.
Нарантуул захын баруун урд уулзвараас Баянмонгол хорооллын замыг холбосон шинэ зам ашиглалтад орсон. Үүнтэй холбоотойгоор Нарны замын хэсгээр хөдөлгөөнд оролцдог байсан “С” ангилалтай ачааны автомашинууд дээрх шинэ замаар явахаар болсон байна. Тухайлбал, хойноосоо буюу зүүн дөрвөн замаас урагшаа чиглэсэн ачааны автомашин Нарантуулын баруун урд уулзвараар баруун гар тийш эргэхгүй, чигээрээ урагшаа гарч Баянмонгол хороолол руу эргэдэг гарц өнгөрч, Үндэсний цэцэрлэгт хүрээлэнгийн баруун хойд уулзвараар баруун, Их Монгол Улсын гудамжны гэрлэн дохиотой уулзвараар хойшоо эргэж Баянмонгол хорооллын баруун талын тойрог хөдөлгөөнтэй уулзвараар зүүн эргэж Гандийн гудамжтай нийлж хөдөлгөөнд оролцоно.
Зүүн талаасаа ирж буй ачааны автомашин мөн шинэ зам руугаа эргэж дээрх байдлаар хөдөлгөөнөө үргэлжлүүлэх юм. Харин баруунаасаа Зүүн тийш явж байгаа ачааны автомашин Баянмонгол хорооллын баруун талын тойрог хөдөлгөөнтэй уулзвараар баруун, Их Монгол Улсын гудамжны гэрэл дохиотой уулзвараар зүүн эргэж Нарантуул захын баруун урд уулзвар хүрч чигээрээ буюу баруун эргэж явах бөгөөд замын тэмдэглэл нь тавигдсан байгаа аж.
Ч. Батцэцэг
www.unen.mn
Сэтгэгдэл (0)