Сүхбаатар дүүргийн нутаг дэвсгэрт угаарын хийн хордлогод өртөж, хохирохоос урьдчилан сэргийлэх зорилготой “Эрсдэлээс сэргийлье-2” тусгай арга хэмжээ үргэлжилж байна. 

Энэ хүрээнд Экологийн цагдаагийн алба Нийслэлийн Засаг даргын Тамгын газар, Нийслэлийн Онцгой байдлын газар, Нийслэлийн агаар орчны бохирдолтой тэмцэх газруудтай хамтран “Галлахдаа анхааръя” хэсэгчилсэн арга хэмжээг зохион байгуулж байна. 

Нийт 1245 айл өрхийн түлшний хэрэглээ, галын болон пийшин зуухны аюулгүй байдал, угаарын хийн мэдрэгчийн хэвийн ажиллагаанд хяналт шалгалт хийж, 2450 иргэнд гал түймэр, угаарын хийн хордлогоос урьдчилан сэргийлэх чиглэлээр сэрэмжлүүлэг, зөвлөмж мэдээлэл өгч ажиллалаа. 

Хүйтэн, сэрүүний улирал эхэлж байгаа тул иргэд та бүхэн галлахдаа зуух, пийшингийн бүрэн бүтэн байдалд анхаарч, өглөө, оройд агаар сэлгэлт тогтмол хийх нь гэрт тань угаарын хий хуримтлагдахаас сэргийлнэ.

Та бүхэн мэргэжлийн байгууллагаас өгч буюу сэрэмжлүүлэг мэдээллийг хүлээн авч, гал түймрийн аюулаас эрүүл мэнд, амь нас, өмч хөрөнгөө хамгаалан урьдчилан сэргийлж, аюулгүй байдлаа хангахыг цагдаагийн байгууллагаас онцгойлон анхааруулж байна гэж Экологийн цагдаагийн албанаас мэдээллээ.