Төрийн болон нутгийн захиргааны зарим байгууллагууд ажлын өдрөөр дотоод ажлын цагийн хуваарийг гарган, иргэдийг хүлээн авдаггүй.
Тэд үүнийг өргөдөл, гомдол, бичиг баримтаа хянаж цэгцэлдэг хэмээн тайлбарладаг билээ. Гэтэл дотоод ажлын өдөр нь иргэдийн цаг завыг гарздаж байгаа талаар гомдол холбогдох албанынханд ирсээр байгаа аж. Тиймээс Засгийн газрын хуралдаанаар уг асуудлыг цэгцэлж, төрийн үйлчилгээг шуурхай, чирэгдэлгүй хүргэхээр байгууллагын дотоод ажлын цагийн хуваарийг хүчингүй болгох шийдвэр гаргасан байна.