Онцгой байдлын ерөнхий газрын дарга Т.Бадралын Б/443 тоот тушаалаар  Баян-Өлгий аймгийн ОБГ-ын дарга хурандаа Ц.Баттулгыг үүрэгт ажлаас нь чөлөөлжээ. Түүнийг албан үүрэгтээ хайнга хандсан хэмээж ажлаас нь чөлөөлсөн гэх мэдээлэл байна. 

Ингээд түүний оронд Баян-Өлгий аймгийн Онцгой байдлын газрын дарга гамшгаас хамгаалах улсын хяналтын ахлах байцаагчаар дэд хурандаа С.Пүрэвсамданг томилжээ. Мөн тус газрын орлогч, урьдчилан сэргийлэх тасгийн даргаар хошууч Б.Анхбаяр нарыг томилсон байна. 

Дэд хурандаа С.Пүрэвсамдан нь БХИС-ийг Инженерийн цэргийн команд тактикийн офицер, зам гүүрний барилгын машин механизмын инженер мэргэжлээр төгссөн. нэгэн аж. Түүнчлэн тэрээр Говь-Алтай аймгийн ОБХ-ийн даргын албыг хашиж байжээ. 

С.Баяр