Циркийн жүжигчин Д.Эрдэнэбаяр хамгаалалтгүйгээр агаарт эргэлдэх үзүүлбэрийг Гиннесийн номд бүртгүүлэхээр зэхэж байна. Д.Эрдэнэбаяр нь БНСУ-д “Морьтны гайхамшиг” үзүүлбэр үзүүлж байгаад эх орондоо саяхан ирсэн юм. Тэрбээр агаарын гимнастик, морьтны гайхамшиг, алиалагчийн үзүүлбэрт гаргууд бөгөөд өнгөрсөн сард ОХУ-ын Буриад улсын Улаан- Үд хотноо болсон олон улсын агаарын гимнастикийн төрөлд алтан медаль хүртсэн юм. Гиннесийн мэргэжилтнүүд энэ сард Монголд хүрэлцэн ирж түүний үзүүлбэрийг шалгах юм байна.