АНУ-ын иргэн Брус Паскал хоббигоороо цуглуулсан тоглоомон автомашины цуглуулгаа олон нийтэд танилцуулжээ. Түүнд ойролцоогоор 3500 гаруй автомашины тоглоомон хувилбар байдаг бөгөөд нийт сая ам.долларын үнэтэй аж. Түүний цуглуулгад 1970 оны автомашинаас эхлэн өнөө цагийн тансаг зэрэглэлийн автомашины тоглоомон хувилбар байдаг юм байна. Тухайлбал, автомашин сонирхогчдын анхаарлыг татдаг “Волксваген”-ын хамгийн ховор загвар гэгддэг 1960 оны далайн эргийн ягаан автобусны тоглоомон хувилбар байдаг бөгөөд түүнийг 150 мянган ам.доллароор худалдаж авчээ. Брус Паскал “Би долоон настайгаасаа хойш эдгээр автомашиныг цуглуулж байна. Цуглуулгадаа маш их хайртай. Тусгай өрөө хүртэл гаргасан” хэмээсэн байна.

А.Даваа