“Авьяаслаг Монголчууд” шоуны шилдэг оролцогч Б.Шижирбатыг маш гайхалтай бэлэгээр өнөөдөр урамшууллаа. Тодруулбал, “Гацуурт” ХХК-ийн ерөнхийлөгч Л.Чинбат түүнийг АНУ-руу аялж, дэлхийн тэргүүлэх технологийн үзэсгэлэн үзэх эрхээр шагнажээ.

Энэ тухай, “Гацуурт” ХХК-н ерөнхийлөгч Л.Чинбат:

– “Авьяаслаг Монголчууд” нэвтрүүлгийн шилдэг оролцогч Б.Шижирбатынхаа цаашдын ажил хөдөлмөрт өндөр амжилт хүсэж, авьяас билгээ улам хөгжүүлэхэд нь бага ч атугай нэмэр болох болов уу гээд АНУ-руу аялж дэлхийн тэргүүлэх технологийн үзэсгэлэн үзэх эрхээр шагнаж урамшууллаа.

Уран чамин үзүүлбэрээрээ биднийг баясган догдлуулсан чамд баярлалаа. Олон сайхан уран бүтээл туурвиж Монголынхоо нэрийг дэлхийд дуурсгаарай миний дүү! гэсэн байна.

Л.Намуунаа