Дэлхийн хамгийн үзэсгэлэнтэй, гоо бүсгүйг шалгаруулдаг “Miss World” буюу “Дэлхийн мисс”-ийн 66 дахь удаагийн тэмцээн АНУ-ын Вашингтон хотноо эхлээд байгаа.  Эдгээр өдрүүдэд урьдчилсан шатны тэмцээн уралдаанууд үргэлжлэн явагдсаар байгаа юм.

Тэгвэл Монгол улсаа төлөөлөн оролцож буй мисс А.Баярцэцэгийг дэлхийн хэвлэлүүд хэдийнээ онцолж эхэлсэн бөгөөд зарим нь түрүүлэх хамгийн өндөр магадлалтай хэмээн бичиж байгаа юм.Тодруулбал “Missosology” хуудас шилдгээр шалгарах хамгийн өндөр магадлалтай 10 оролцогчийг өнгөрсөн долоо хоногт нэрлэхдээ манай миссийг тавдугаар байрт жагсааж байсан юм. Тэгвэл энэ долоо хоногт хоёр байраар урагшлуулан нэрлэсэн байна. Гэвч хүн амын тоо бага учраас санал асуулгад түрүүлэх боломж бага гэдгийг  мөн бичжээ.

Дашрамд дурдахад энэ тэмцээнд амжилттай оролцох эсэхэд та бидний санал маш чухал юм байна. Саналыг гар утсаараа өгөх боломжтой. Хамгийн түрүүн Mobbstar app-ийг татаж аваад BA­YARTSETSEG ALTANGER­EL нэрээр хайж олох юм. Хэрхэн саналаа өгөх талаар А.Баярцэцэгийн өөрийнх нь фэйсбүүкт бичсэнийг та бүхэнд толилуулъя.

MOBSTAR - Multimedia Challenge

Энэ нь албан ёсны VOTE-с тусдаа бөгөөд түрүүлсэн нь шилдэг 20-д автоматаар үлдэх таван шалгуурын нэг болох Multimedia шалгуурын шинэ даалгавар юм.

1. ХҮН БҮХЭН MOBSTAR арр татаж авна уу.

2. BAYARTSETSEG AL­TANGEREL гэсэн нэрээр хайж олно.

3. Бүх зураг контент дээр нь хамгийн олон LIKE + COM­MENT нийлбэр оноогоор ялагч болно.

(Та өөрөө ч мөн адил дэмжсэн зураг өөрийнхөө профайл дээрээ оруулж болох бөгөөд #OfficialMobstar #Miss­World #MissWorldMongolia гэж таг хийхээ мартав аа. Таггүй бол шүүгчид харахад гарч ирэхгүй).

Нэгдүгээрт: Хэрэв та Iphone утас ашигладаг бол App Store аппликейшнаас "Miss World" аппликейшныг татаж суулгана. Уг аппликейшны Contestants гэсээ хэсгээс Монголоо олоод VOTE дарна.

Хоёрдугаарт:Хэрэв та ANDROID утастай бол http://share.mnctv.mn/s/IFl7gqRGFTILrol линкээр уг аппликейшныг татан, дээрх байдлаар санал өгөх юм. Та утасныхаа дэлгэцийг цэвэрлээд хэдэн ч удаа саналаа өгч болох юм.

Мөн Дэлхийн миссийн тэмцээний Авьяасын үзүүлбэрийн шилдэг 10-т орсон үзүүлбэрүүд дундаас ялагчийг MobStar аппликейшны санал асуулгаар тодруулах юм. Санал өгөхдөө “Mobstar” аппликейшнээс "OFFICIAL MISS WORLD" гэж бичин хайлт хийнэ. Үүний дараа Монголынхоо авъяасын үзүүлбэрийг зүүнээс баруун тийш гүйлгэн “YES” хэмээн саналаа өгч, comment бичиж саналаа өгөх юм.

Ингээд та бүхэн А.Баярцэцэгийн төлөө саналаа өгч дэмжээрэй. Эх орноо “Дэлхийн мисс” тэмцээнд төлөөлөн оролцож байгаа А.Баярцэцэгтээ амжилт хүсье.

Б.Саруул