Баянгол дүүргийн зургадугаар хорооны нэгэн байрны орцонд хоёр залуу хар тамхи хэрэглэж байгаад өчигдөр цагдаагийнханд баригдсан байна. Хэргийг шалгахад Хан-Уул дүүргийн 10-р хороонд оршин суух 23 настай эрэгтэй Ө, Хан-Уул дүүргийн 16 дугаар хороонд оршин суух 21 настай эрэгтэй А нар нь “Зэрлэг өвс” хэрэглэж байсан байна. Цагдаа нар хэргийн газраас эд мөрийн баримтаар хуванцар бортого болон 20 уут зэрлэг өвс гэх ургамлыг хураан авсан тухай Цагдаагийн ерөнхий газрын албаны эх сурвалж мэдээллээ. Энэхүү хэргийг  Баянгол дүүргийн цагдаагийн хоёрдугаар хэлтэст шалгаж эхэлжээ.