Улаанбаатар-Арвайхээр чиглэлийн улсын чанартай хатуу хучилттай авто замаар хүнд даацын машин механизм олноороо дамжин өнгөрч байна.

Тус замын эвдрэл 431-373 км хооронд улам нэмэгдэж, нийт 48 цэгт эвдрэл үүсчээ. Тиймээс "Өвөрхангай АЗЗА" ТӨХК-иас тус замаар зорчиж буй жолооч нарыг өөрийн болон бусдын аюулгүй байдлыг хангуулж, болгоомжтой замын хөдөлгөөнд оролцохыг анхааруулж байна.

Тодотгоход, "Өвөрхангай АЗЗА" ТӨХК-ийн замчид Улаанбаатар-Арвайхээр чиглэлийн улсын чанартай авто замын 431-373 дэх км-т замын явах ангид овойлт суулт өгч эвдэрсэн хэсгийг механизмаар ухаж, суурийг солин 20 тонны индүүгээр нягтруулан, зорчих хэсгийг аюулгүй болгон ажиллаж эхэлжээ.

www.unen.mn