Он гарснаас хойш тарваган тахлын сэжигтэй гурван тохиолдол бүртгэгдсэн байна. Тарваган тахлын эсрэг вакцинжуулалтыг орон даяар өрнүүлж, ажил 90 гаруй хувьтай явагдаж байгаа ч саяхан дахин нэг сэжигтэй тохиолдол бүртгэгдсэн юм. Тодруулбал, найман настай хүү тарваганы түүхий давсаг залгисны улмаас тахлын сэжиг илэрсэн ч тахлын халдварын шинж илрээгүй байна.

Эдгээр нь хууль бус ангийн мах нууж нийслэлд оруулж ирэх, улмаар бусдад зарж худалдаалах, өөрсдөө хорхог боодог хийж идэх тохиолдол гарсаар байгаа нь энэ төрлийн сэжигтэй тохиолдлыг нэмэгдүүлж байгаа гэж мэргэжилтнүүд хэлсээр байгаа. 
Улсын хэмжээнд 17 аймгийн 130 гаруй суманд тарваган тахлын байгалийн голомттой тул нийслэл рүү орж ирэх зорчигч хөдөлгөөнд тавих хяналт шалгалтыг 24 цагаар хийж байгаа юм.