Монгол Улсын хэмжээнд гарч байгаа мал амьтны гоц халдварт өвчлөлүүд Баянхонгор аймагт гараагүй бөгөөд тайван бүс нутгаар нэрлэгдэж байна.

Мал, амьтны гоц халдварт шүлхий өвчнөөс урьчилан сэргийлэх тандалт шинжилгээнд 2015 оноос хойш 19 сумын 122 малчин өрхийн 2.5 сая толгой мал хамруулж 100 хувь эрүүл гарсан байна. Тодруулбал, өнгөрөгч онд бог малын мялзан өвчний тандалт шинжилгээнд 300 толгой мал, 2018 онд гурван сумын 420 толгой малыг шүлхий өвчний тандалт шинжилгээнд хамруулахад эрүүл гарчээ.

Тус аймаг нь гоц халдварт шүлхий өвчний тандалт шинжилгээг Улсын мал эмнэлэг, ариун цэврийн төв лабораторид 10 дахь удаагаа шинжлүүлж, гоц халдварт өвчнөөр эрүүл гэсэн бүс нутгийн статусаа дахин баталгаажуулжээ.

М.Тогтох