Японд эмч нар “ойн агаар амьсгалах” буюу шинрин-йоку (森林浴) нэртэй эмчилгээний аргыг эмийн оронд албан ёсоор жор болгон бичиж эхэлсэн нь шинжлэх ухаанд суурилсан эрүүл мэндийн сонирхолтой шинэ хандлага болоод байна.

Японд эмч нарын бичдэг “ойн жор” гэж юу вэ?

Shinrin-yoku гэдэг нь “ойн агаар амьсгалах”, “ойн ванн” гэсэн утгатай бөгөөд анх 1980-аад онд Японд хөгжиж эхэлсэн. Өнөөдөр Японы эрүүл мэндийн яам болон байгаль орчны яам энэ аргыг дэмжиж, албан ёсоор эмчилгээний нэг хэлбэр болгон хүлээн зөвшөөрсөн байдаг.

Эмч нар ямар үед ойн жор бичдэг вэ?
    •    Архаг стресс
    •    Нойргүйдэл
    •    Түгшүүр, сэтгэл гутрал
    •    Даралт ихсэх, дархлаа сулрах үед
гэх мэтчилэн сэтгэл зүйн болон биеийн стрессийн нөхцөлүүдэд эмийн бус эмчилгээ болгон санал болгодог.

Судалгаагаар батлагдсан үр нөлөө
    •    Кортизол (стрессийн даавар) – огцом буурдаг
    •    Цусны даралт – тогтворждог
    •    Зүрхний хэмнэл – удааширч, тайвширдаг
    •    Дархлаа – сайжирдаг (NK эсийн тоо нэмэгддэг)
    •    Сэтгэл санаа – тайвширч, сэтгэл гутрал буурдаг

Жор хэрхэн бичигддэг вэ?

Жишээлбэл, эмч ингэж бичиж болно:

“7 хоногт 2 удаа, ойд 40-60 минут тайван алхах (хиймэл гэрэлгүй, чимээгүй газар), аль болох гар утасгүй, зүгээр л моддыг ажиглах, агаар амьсгалах”

Дэлхий нийтээр даган дуурайж байна
    •    АНУ, Канад, Швед зэрэг орнууд энэ аргыг хүлээн зөвшөөрч, “Nature Prescriptions” нэртэй төслийг хэрэгжүүлж эхэлжээ.
    •    Канадын эмч нар ойн алхалтын жорыг эмийн жор шиг бичиж өгдөг тусгай лицензтэй болсон байна.

Хэрвээ та стресс ихтэй, сэтгэл санаа тавгүй байгаа бол — уулаар, ойн төглөөр, байгалийн дунд зүгээр л амьсгалаад, алхаж үзээрэй. Заримдаа хамгийн энгийн зүйл хамгийн эмчилгээтэй байдаг.