Хятадын Тайваний Тайпей хотноо сагсан бөмбөгийн оюутны Азийн аварга шалгаруулах тэмцээн болж байгаа билээ. Тэмцээнд эх орноо төлөөлөн оролцож буй Монголын шигшээ баг тавдугаар байрын төлөө Макаогийн багтай тоглож, 97:52-оор буулгаж авлаа. Ингэснээр манай улсын залуучуудын шигшээ баг шагналт тавдугаар байрт шалгарч байгаа юм. Энэ удаагийн Азийн аварга шалгаруулах тэмцээний хэсгийн шатанд манай сагсчид Хятадын багт хожигдсон ч Тайвань, Макаог буулгаж авсан. Гэвч хагас шигшээд шалгарч чадалгүй хасагдаж байна.

Б.НОМУУН