Монголын сагсан бөмбөгийн шигшээ багийн тамирчин Т.Санчир Филиппиний “Barangay Ginebra San Miguel Kings” багт ирэх сараас эхлэн тоглохоор болжээ. Филиппиний сагсан бөмбөгийн холбоо үүсгэн байгуулагдсан хугацаагаараа NBA-ийн дараа ордог бөгөөд зохион байгуулалт, багуудын чансаа, тамирчдын өрсөлдөөн, мэдээ мэдээлэл, шууд дамжуулалт, шилжилт хөдөлгөөн, бизнес зэрэг талаараа Азидаа төдийгүй дэлхийд дээгүүр ордог мэргэжлийн лиг аж. Өмнө нь манай улсаас Монгол Улсын Гавьяат тамирчин Ц.Шаравжамц АНУ-ын“Har-lem Globetrotters” шоу үзүүлбэрийн багт тоглож байв. Т.Санчирын хувьд мэргэжлийн сагсан бөмбөгийн лигт тоглож байгаа анхны тамирчин юм.

Л.АРИУНЦЭЦЭГ