Далайн чанадын үндэсний сагсан бөмбөгийн лигийн шилдэг тоглогч Л.Жеймс карьерынхаа туршид 25.200 оноо авлаа. Ингэснээр тэрээр бүх цаг үеийн мэргэжн буучдын жагсаалтын 19-т бичигдэх боллоо. Түүний өмнө одоо 18 тоглогч байгаа бөгөөд энэ улиралд 16-д бичигдэх боломжтой юм.

Л.Жеймсийн өмнө одоо тоглож байгаа сагсан бөмбөгчдөөс К.Брайант 32.600, Д.Новицки 28.300, Т.Данкан 26.100, К.Гарнетт 26.000, П.Пирс 26.000 оноотой байна.

“Хаан” Жеймс өнгөрсөн сард 25.000 онооны босго давж, рекорд тогтоосон. Учир нь тэрээр хамгийн залуудаа энэ оноог авсан сагсан бөмбөгч болсон. Мөн 5, 10, 15, 20 мянган оноог хамгийн залуудаа авсан рекордыг эвдсэн билээ.

М.Золбаатар