Жүдочид Олимпийн эрхийн оноо олгох тэмцээнд зодоглоно
- 2015-11-18
- Спорт
- 0
Ирэх онд Бразил улсын Рио де Жанейро хотод зуны Олимпийн их наадам болно. Тус наадмын жүдо бөхийн тэмцээнд оролцох тамирчид цуврал тэмцээнд оролцож, эрхий оноо цуглуулж байгаа. Энэ сарын 20-ноос 22-ны өдрүүдэд Чиндаогийн Грандри тэмцээн болох аж. Уг Гранприд манай улсаас 19 бөх зодоглохоор болжээ.
Тухайлбал эрэгтэйчүүдийн 60 кг-д ОУХМ Г.Хэрлэн, ОУХМ Ц.Цогтбаатар, 66 кг-д ОУХМ Д.Төмөрхүлэг, ОУХМ Б.Батгэрэл, 73 кг-д ОУХМ Н.Хадбаатар, 81 кг-д ОУХМ Н.Дагвасүрэн, ОУХМ О.Ууганбаатар, 90 кг-д ОУХМ Л.Отгонбаатар, -100 кг-д Олимпийн алт, мөнгөн медальт, гавьяат тамирчин Н.Түвшинбаяр, +100 кг-д ОУХМ Ө.Дүүрэнбаяр, эмэгтэйчүүдийн 48 кг-д дэлхийн аваргын алтан медальт, гавьяат тамирчин М.Уранцэцэг, 52 кг-д ОУХМ А.Цолмон, ОУХМ Б.Бат-Эрдэнэ, 57 кг-д дэлхийн аваргын хүрэл медальт Д.Сумьяа, ОУХМ А.Батзул, 63 кг-д дэлхийн аваргын хүрэл медальт Ц.Мөнхзаяа, ОУХМ Б.Мөнгөнчимэг, 78 кг-д ОУХМ П.Лхамдэгд, +78 кг-д ОУХМ О.Жавзмаа нар барилдана.
Манай жүдочдын хувьд 30 орчим бөх дэлхийн чансааны эхний 30-д бичигдэж байгаа. Хэрэв энэ чансаагаа хадгалж чадвал, 2016 оны зуны Олимпийн наадамд бүтэн багаараа оролцох боломж бүрдэх аж.
Г.Төмөр
Сэтгэгдэл (0)