Далайн чанадын мэргэжлийн сагсан бөмбөгийн лигийн энэ улирал сонирхолтой үргэлжилж байна. Өчигдөр нэг хожилгүй 18 дараалан ялагдаад байсан “Филадельфи 76” алдарт К.Брайатын багийг 103:91-ээр хожиж, анхны ялалтын баяраа тэмдэглэсэн. Харин өнөөдөр “Голден Стэйт Уорерз” 20 дахь хожлоо авч, нэг ч ялагдалгүй бүх багуудыг тэргүүлж байгаа аж.

Өнөөдөр болсон тоглолтуудын хувьд “Голден Стэйт Уорерз”-“Шарлотте Хорнетс” 116:99, “Лос Анжелес Лэйкерс”-“Вашингтон Визардс” 108:104, “Детройт Пистонс”-“Финикс Санс” 127:122, “Нью Йорк Никс”-“Филадельфи 76” 99:87, “Торонто Рэпторс”-“Атланта Хаукс” 96:86, “Чикаго Буллз”-“Денвер Нагеттс” 99:90, “Хьюстон Рокетс”-“Нью Орленс Пеликанс” 108:101, “Сан Антонио Сперс”-“Милуоки Бакс” 95:70, “Индиана Пэйзерс”-“Лос Анжелес Клипперс”-ийг 103:91-ээр тус тус хожсон.

Лигийн таван удаагийн аварга алдарт Т.Данканаар удирдуулсан “Сан Антонио Сперс” энэ улиралд шилдэг хэвээр байна. Тэд нийт багуудаас “Голден Стэйт”-ийн дараа орох амжилттай явж байгаа. Өнөөдөр Милуоки хотын “Буганууд”-ыг хожиход Т.Данкан 16 оноо, 10 самбар, К.Леонард 13 оноо, 4 оновчтой дамжуулалт, П.Миллс 13 оноо, Б.Диав 11 оноо авсан.

Харин эсрэг багаас К.Миддлетон 16 оноо, Г.Монрое 14 оноо авсан бол бусад тамирчид нь хангалтгүй байж, “Милуоки Бакс” 90:75-аар ялагдлаа. Ингэснээр “Сан Антонио Сперс” 19 тоглолт хийхдээ 15 хожиж, 4 ялагдаад байна.

М.Золбаатар