Нийслэлийн Баянзүрх дүүргийн 22 хороо офицеруудын ордны урд зам дээр өчигдөр /2024.12.20/ осол гарчээ. Цагдаагийн байгууллагад "нэг машин 3 хүн мөргөчихлөө" гэх дуудлага мэдээлэл оройн 19:00 цагийн орчимд бүртгэгдсэн байна. Ослын улмаас таван иргэн гэмтсэн гэдгийг албаныхан мэдээллээ. Мөргүүлсэн иргэдэд эмнэлгийн тусламж үзүүлсэн бөгөөд жолооч согтууруулах ундааны зүйл хэрэглэсэн болох нь тогтоогджээ. Одоогоор шалгалтын ажиллагааг үргэлжлүүлж байна.