Монголын оюутны спортын холбоо Ази тивийн шилдэг спортын холбоогоор шалгарлаа. Тайланд Улсын Ча-Ам хотноо болж байгаа Азийн оюутны спортын холбооны Ерөнхий ассемблейн хурал, эл холбооны 20 жилийн ойг тэмдэглэх арга хэмжээний үеэр Монголын оюутны спортын холбоо Ази тивийн шилдэг спортын холбоогоор шалгарсныг зарлажээ.
Шагналыг Азийн оюутны холбооны ерөнхийлөгч Занг Шиншинг, Гүйцэтгэх хорооны гишүүн, Соёл, спорт, аялал жуулчлалын яамны газрын дарга Д.Жаргалсайханд гардуулан өгсөн байна. Азийн оюутны спортын холбоо тивийнхээ шилдэг холбоог тодруулахдаа сүүлийн таван жилд хийж бүтээсэн ажлаар нь дүгнэн шалгаруулдаг.
Монголын оюутны спортын холбооны тухайд, 2008 онд Азийн оюутны аварга шалгаруулах ширээний теннисний I тэмцээнийг амжилттай зохион байгуулжээ. Мөн 2010 онд Дэлхийн оюутны аварга шалгаруулах боксын IV тэмцээн, 2012 онд Азийн оюутны аварга шалгаруулах эмэгтэй волейболын II тэмцээнийг эх орондоо хүлээн авч сайн зохион байгуулсан байна. Түүнчлэн жил бүр болдог Азийн аварга шалгаруулах тэмцээнүүдэд баг тамирчдаа тасралтг