Хууль зүй, дотоод хэргийн сайд О.Алтангэрэл Хөрөнгө хураахтай холбоотой хуулийн төслийнхөө талаар сэтгүүлчдэд мэдээлэл өглөө.

   Тэрбээр "Хөрөнгө хураахтай холбоотой хуулийн төслийг дэмжихгүй гишүүд байгаа. Дэмжих, дэмжихгүй нь УИХ-ын гишүүний бүрэн эрх шүү дээ. Авлигатай тэмцэх газрын даргыг улираан томилох асуудалд салбарын сайдын хувьд дэмжсэн. Өнгөрсөн хугацаанд явсан бодлого шийдвэр, эхлүүлсэн зүйлс үр дүнгээ өгөх ёстой. Өөрсдийн хүн гэх асуудал манай салбарт байх ёсгүй. Цагдаагийн байгууллагад иргэдийн зүгээс өргөдөл гомдол их ирдэг. Хууль зүй, дотоод хэргийн яаманд Ажлын хэсэг гарчихсан цагдаагийн албан хаагч болон хууль сахиулах байгууллагын албан хаагчидтай өргөдөл гомдлуудыг шалгаж байна. Ерөнхийлөгч, Ерөнхий сайд , сайд, УИХ-ын гишүүн, төрийн өмчит үйлдвэр болон агентлагийн дарга байсан бүх хүнд энэ хуулийн төсөл хамаатай. Эндээс сугарах, үлдэх хүн байхгүй. Татвараа тайлагнаж чадахгүй бол хөрөнгөө хураалгах ёстой" гэв.