АНУ-ын 47 дахь Ерөнхийлөгч Дональд Трамп тангарагаа өргөж, Бүгд найрамдахчууд Вашингтоныг хяналтдаа авч, улс орныхоо тогтолцоог өөрчлөхөөр зорьж байна.

Трамп тангараг өргөх ёслолын дараа яаралтай арга хэмжээ авч, цагаачдыг албадан гаргах ажлыг эхлүүлэх, чулуужсан түлшний бүтээн байгуулалтыг нэмэгдүүлэх, төрийн албан хаагчдын төрийн албаны хамгаалалтыг бууруулах зорилго бүхий тушаалуудад гарыг үсэг зурахаар бэлтгэсэн аж. Үүнээс хилийн асуудалтай холбоотой 10 захирамжид гарын үсэг зурахаар төлөвлөж байгаа бөгөөд энэ нь цагаачлалын бодлогод эрс өөрчлөлт оруулж, хууль ёсны болон хууль бус цагаачлалд шинэ хязгаарлалт тавихаар байгааг ажиглагчид онцолж байна.

Дональд Трамп тангараг өргөх ёслолын нээлтийн үеэр хэлсэн үгэндээ  "Үндэсний амжилтын шинэ эрин үе"-ийн эхлэлийг өөрчлөлтийн түрлэг улс орныг хамарч байна. АНУ руу нэвтрэхийг эрмэлзэж буй олон мянган цагаачийн урсгалыг зогсоохын тулд үндэсний хэмжээнд онцгой байдал зарлаж, Мексиктэй хиллэдэг АНУ-ын баруун өмнөд хэсгийн хилийг хаана. Тэдний ихэнх нь Төв Америкийн орнууд болон бусад газар ядуурал, гэмт хэрэг, ажилгүйдлээс зугтахыг эрмэлзэж буй хүмүүс. “Мексикт үлдэх” бодлогыг хэрэгжүүлж, бусад цагаачийг орогнол хүссэн шийдвэрээ хүлээж байх хооронд АНУ-д амьдрах боломж олгодог байсныг болиулна” хэмээжээ.

Үүнээс гадна, Трамп цахилгаан автомашины үйлдвэрлэл, борлуулалтыг дэмжих Байдены бодлогыг зогсоохын сацуу АНУ-ын худалдааны бодлогыг шинэчилж, худалдааны гол түншүүдэд шинээр татвар ногдуулна гэж мэдэгджээ.

Трамп бямба, ням гарагийн шөнийг Цагаан ордны эсрэг талын Блэйр Хауст өнгөрүүлж, даваа гарагт сайд нарын танхимын ихэнх гишүүдийн хамт Гэгээн Жонны Эпископын сүмд мөргөл үйлдэж эхэлсэн байна. Түүнийг гэргий Меланиагийн хамт ажлаа хүлээлгэн өгч буй Ерөнхийлөгч Жо Байден, тэргүүн хатагтай Жилл Байден нар угтан авчээ. Дөрвөн жилийн өмнө Трамп Байдены ялалтыг хүлээн зөвшөөрөхөөс татгалзаж, тангараг өргөх ёслолд нь оролцоогүй билээ.  

Трамп тангараг өргөхдөө 1861 онд Ерөнхий шүүгч Жон Робертс болон Ерөнхийлөгч Абрахам Линкольн хэрэглэж байсан библийг хоёуланг нь ашиглажээ. Бямба гарагт Трамп Засгийн газрын онгоцоор Вашингтонд хүрэлцэн ирж, Виржиниа мужийн захын хувийн гольфын клубт галын наадам үзсэнээр түүний Цагаан ордонд эргэн ирсэн баяр эхэлсэн.

Тангараг өргөх ёслолд оролцсон хүмүүсийн дунд “Amazon” компанийг үүсгэн байгуулагч Жефф Безос, “Meta” компанийн гүйцэтгэх захирал Марк Цукерберг, “Tesla”-гийн гүйцэтгэх захирал, X нийгмийн сүлжээний эзэн Элон Маск зэрэг Америкийн хэд хэдэн тэрбумтан, мөн “TikTok”-ын гүйцэтгэх захирал Шоу Зи Чоу нар багтжээ.