Маргаашаас буюу аравдугаар сарын 14-нөөс эхлэн хааж шинэчлэх замуудын мэдээллийг нэгтгэн хүргэж байна.

-СХД-ийн дөрөв, тавдугаар хороо, Толгойтын авто замаас далан дагасан Баянхошуу хүртэлх авто замыг 10 дугаар сарын 14-ний өдрийн 23:00 цагаас 17-ны өдрийн 06:00 цагийн хооронд хааж, шинэчилнэ.

-Архивын ерөнхий газраас Нисэхийн тойрог хүртэлх урдаас хойшоо чиглэлийн зүүн талын авто замыг 10 дугаар сарын 14-ний өдрийн 23:00 цагаас 17-ны өдрийн 06:00 цагийн хооронд хааж, шинэчилэхээр болсон байна. Ингэхдээ хойноос урагш чиглэлийн баруун хэсгийн эгнээгээр тээврийн хэрэгслийн хөдөлгөөнийг сөрүүлэн зохицуулахаар болжээ.

-Өгөөмөр захаас Чулуун овооны тойрог хүртэлх авто замыг аравдугаар сарын 14-нд нээнэ. Тодруулбал тус замын урд хэсгийн эгнээг аравдугаар сарын 12-ны өдрийн 22:00 цагаас эхлэн хааж шинэчилж буй. Ингэхдээ зүүнээс баруун чиглэлийн хойд хэсгийн эгнээгээр тээврийн хэрэгслийн хөдөлгөөнийг сөрүүлэн зохицуулж байгаа. Тэгвэл маргааш буюу аравдугаар сарын 14-ний өдрийн 06:00 цагт замын хөдөлгөөнийг нээх юм байна.

Иймд дээрх өдрүүдэд тус замуудаас өөр замыг сонгон замын хөдөлгөөнд оролцохыг анхааруулж байна.