Улаанбаатар дахь Оросын шинжлэх ухаан, соёлын төвд энэ сарын 17-19-нд боловсролын үзэсгэлэн зохион байгуулахаар болжээ. Тус үзэсгэлэнг ОХУ-ын Монгол дахь Элчин сайдын яам, Монгол Улсын БСШУЯ хамтран хийж буй аж. Уг үзэсгэлэнд ирснээр тус улсад эзэмших боломжтой боловсролын хөтөлбөрүүдтэй танилцах боломжтой бөгөөд Москва, Санкт-Петербург, Томск, Иркутск, Белгород, Кемерово, Якутск, Красноярск, Буриад улсын их, дээд сургуулийн төлөөллүүд хүрэлцэн ирэх аж. Энэ жил Монголд Оросын Засгийн газар376 оюутны хуваарь олгосон байна. Тиймээс тус улсад дээд боловсрол эзэмших хүсэлтэй иргэдийг бүртгэх ажил Оросын шинжлэх ухаан, соёлын төвд эхэлжээ.

Ц.Соёл-Эрдэнэ