УИХ, Засгийн газрын гишүүн БСШУС-ын сайд Ц.Цогзолмаа БНСУ-ын парламентын гишүүн, Эмэгтэйчүүд, гэр бүлийн байнгын хорооны дарга Нам Ин Сүн тэргүүтэй Ку Юун Жин, Пак Чан Дэ, Ким Сан Хы нарын парламентийн гишүүдтэй уулзлаа.

 Монгол- Солонгосын парламентын харилцаа хамтын ажиллагааг өргөжүүлэх,  харилцан ашигтай хамтын ажиллагааг эрчимжүүлэх талаар санал солилцов. Мөн гэр бүл, хүүхэд, эмэгтэйчүүдийн чиглэлээр шийдвэр гаргах түвшинд идэвхтэй хамтран ажиллаж,  харилцааг шинэ алхамаар урагшлуулах чиглэлд судалгаа хийх, мэдээлэл, туршлага солилцоход түлхүү анхаарч ажиллах талаар голлон ярилцав.