- МЭМАҮЭ-ИЙН ХОЛБООНЫ ДЭЭД ШАГНАЛ 2014 ОНЫ “АЛТАН ЧАГНУУР”-ЫН ЭЗЭД ТОДОРЛОО -

Эрүүл мэндийн салбарыг хөгжүүлэх, хүн ардынхаа эрүүл мэндийг сахин хамгаалах үйлсэд үр бүтээлтэй ажиллаж онцгой амжилт гаргасан эмч нарын хөдөлмөрийн үнэлэмжийг дээшлүүлэх зорилгоор 3 дугаар сарын 30-ны өдөр буюу Дэлхийн эмч нарын баярын өдрийг тохиолдуулан Монголын эрүүл мэндийн ажилтны үйлдвэрчний эвлэлийн холбооноос санаачлан Монголын шилдэг эмч нарыг шалгаруулах “АЛТАН ЧАГНУУР” ёслол хүндэтгэлийн үйл ажиллагааг 4 дэх жилдээ амжилттай зохион байгууллаа.
Тус шагнал нь эрүүл мэндийн салбарт өөрийн эрдэм мэдлэг, ур чадвараа дайчлан эрүүлийг хамгаалах үйлсэд цаг наргүй зүтгэн ард иргэдийнхээ дунд алтан гартай эмч хэмээн  хүндлэгдэж байдаг эмч нараа  алдаршуулах, ажиллах урам зоригоор тэтгэсэн  нэр хүндтэй шагнал билээ.  “Алтан чагнуур” шагналд нэр дэвшихээр нийслэл хотын болон хөдөө орон нутгийн эрүүл мэндийн байгууллагуудаас шалгарсан 50 гаруй эмч нар нэр дэвшсэн бөгөөд  нарийн мэргэжлийн төрлөөр 15 эмчийг “АЛТАН ЧАГНУУР” шагналын эздийг тодруулсан юм.
“Алтан чагнуур” хэмээх энэхүү нэр хүндтэй шагналыг үнэмлэх, энгэрийн тэмдэг, эмчийн чагнуур, өрөөний хаяг, Acer брэндийн зөөврийн компютер  зэрэг дагалдаж байгаа юм.
Энэхүү үйл ажиллагааг хамтран зохион байгуулагчаар:  Эрүүл мэндийн яам, Монголын хувийн хэвшлийн эрүүл мэндийн байгууллагын нэгдсэн холбоо, мэдээллийн ивээн тэтгэгчээр: TV9 телевиз, ETV,  MASS телевиз, Парламентын суваг телевиз,  www.emch.mn, www.mass.mn вэб сайтууд оролцлоо.

Ингээд 2014 оны шилдэг эмч  “АЛТАН ЧАГНУУР” дээд шагналын эздийг танилцуулъя.

Төрөл: ДОТОР СУДЛАЛ
УЛСЫН 2-Р ТӨВ ЭМНЭЛГИЙН ДОТРЫН ЗҮРХ СУДАСНЫ ТАСГИЙН ИХ ЭМЧ ЦЭДЭНСОДНОМЫН ЖАРГАЛСАЙХАН

Төрөл:  ХҮҮХЭД СУДЛАЛ
БАЯНГОЛ ЭРҮҮЛ МЭНДИЙН НЭГДЛИЙН ХҮҮХДИЙН ТАСГИЙН ХҮЛЭЭН АВАХ ЯАРАЛТАЙ ТУСЛАМЖ, ЭРЧИМТ ЭМЧИЛГЭЭНИЙ ЭМЧ БУМБААГИЙН БОЛОРМАА

Төрөл: НҮД, ЧИХ ХАМАР ХООЛОЙ СУДЛАЛ
“ЭМЖЖ” ЭМНЭЛГИЙН ЧИХ ХАМАР ХООЛОЙН МЭС ЗАСЛЫН ИХ ЭМЧ  ЭРДЭНЭЧУЛУУНЫ  ЖАРГАЛХҮҮ

Төрөл: НҮҮР АМ  СУДЛАЛ
ЧИНГЭЛТЭЙ ЭРҮҮЛ МЭНДИЙН НЭГДЛИЙН ШҮДНИЙ ЭМЧ КЕНЖЕТАЙН ДАМЫС

Төрөл: СЭТГЭЦ, МЭДРЭЛ СУДЛАЛ
УЛСЫН 3-Р ТӨВ ЭМНЭЛГИЙН ХАРВАЛТЫН ТАСГИЙН ЭРХЛЭГЧ  ЖАМБАЛДОРЖИЙН АРИУНАА

Төрөл: МЭС ЗАСАЛ СУДЛАЛ
БАЯНЗҮРХ ЭРҮҮЛ МЭНДИЙН НЭГДЛИЙН МЭС ЗАСЛЫН ЭМЧ ШАРАВЫН  НАРАНЦЭНД

Төрөл: ХАЛДВАРТ ӨВЧИН СУДЛАЛ
ХАЛДВАРТ ӨВЧИН СУДЛАЛЫН ҮНДЭСНИЙ ТӨВИЙН ХАЛДВАРТЫН КЛИНИКИЙН  АГААР ДУСЛЫН ХАЛДВАРЫН 1-Р ТАСГИЙН ЭРХЛЭГЧ СУМЪЯАБАЗАРЫН УНДАРМАА

Төрөл: СУМЫН ЭРҮҮЛ МЭНД
ДАРХАН-УУЛ АЙМГИЙН ДАРХАН СУМЫН “ГОС ХОТ” ӨРХИЙН ЭРҮҮЛ МЭНДИЙН ТӨВИЙН ЭМЧ СЭРДАМБЫН ОТГОН

Төрөл: МЭДЭЭГҮЙЖҮҮЛЭГ, ЭРЧИМТ ЭМЧИЛГЭЭ СУДЛАЛ
ГЭМТЭЛ СОГОГ СУДЛАЛЫН ҮНДЭСНИЙ ТӨВИЙН МЭДЭЭГҮЙЖҮҮЛЭГ-ЭРЧИМТ ЭМЧИЛГЭЭНИЙ ЭМЧНАЦАГДОРЖИЙН ОЮУНЧИМЭГ

Төрөл: ДҮРС ОНОШЛОГОО СУДЛАЛ
ДУНДГОВЬ АЙМГИЙН НЭГДСЭН ЭМНЭЛГИЙН ХЭТ АВИАН ОНОШЛОГООНЫ ЭМЧ  СУГИРЫН ЭРДЭНЭБАТ

Төрөл: СҮРЬЕЭ СУДЛАЛ
ХАЛДВАРТ ӨВЧИН СУДЛАЛЫН ҮНДЭСНИЙ ТӨВИЙН СҮРЬЕЭГИЙН КЛИНИКИЙН УУШИГНЫ 1-Р ТАСГИЙН ИХ ЭМЧ ДАШНЯМЫН ЧУЛУУНЦЭЦЭГ

Төрөл: ЯАРАЛТАЙ ТУСЛАМЖ СУДЛАЛ
НИЙСЛЭЛИЙН ЯАРАЛТАЙ ТУСЛАМЖИЙН ТӨВИЙН ЭРЧИМТ ЭМЧИЛГЭЭ, ЗҮРХ СУДАСНЫ БРИГАДЫН ЭМЧ ТӨМӨРМЭЭЛЭГИЙН ТҮВШИН

Төрөл: ХАВДАР  СУДЛАЛ
ХАВДАР СУДЛАЛЫН ҮНДЭСНИЙ ТӨВИЙН ТУЯА ЭМЧИЛГЭЭНИЙ ТАСГИЙН ЭРХЛЭГЧ ГОНЧИГИЙН ОДОНТУЯА

Төрөл:  НИЙГМИЙН ЭРҮҮЛ  МЭНД СУДЛАЛ
ЗООНОЗЫН ӨВЧИН СУДЛАЛЫН ҮНДЭСНИЙ ТӨВИЙН ХЯНАЛТ ҮНЭЛГЭЭ ХАРИУЦСАН ТАРХВАР СУДЛАГЧ ЭМЧ УРГАНЫ НАРМАНДАХ