БСШУС-ын сайд Ц.Цогзолмаа арваннэгдүгээр сарын 18-20-ны өдрүүдэд ОХУ-д ажлын айлчлал хийж байна.Эхний уулзалт өчигдөр буюу ням гаригт Монгол Улсын ЭСЯ дээр болжээ. Монгол Улсаас ОХУ-д суугаа Онц бөгөөд Бүрэн эрхт Элчин сайд Б.Дэлгэрмаа БСШУС-ын сайд Ц.Цогзолмааг хүлээн авч уулзсан байна.

Мөн сайдын айлчлалын баг Москвад суралцаж буй монгол оюутнуудтай уулзаж оюутны "Дэвжээ" наадмыг үзэж сонирхжээ. ОХУ-д 3000 гаруй монгол оюутан суралцаж байгаа бөгөөд Засгийн газар хоорондын гэрээнээс гадна байгууллага хоорондын гэрээгээр мөн хувиараа сурч байгаа оюутнууд ч цөөнгүй байдаг аж.