Боловсролын үнэлгээний төвөөс ирэх сарын 1-ний өдөр элсэгчдэд зориулан нээлттэй хаалганы өдрийг зохион байгуулахаар болжээ.  Өдөрлөгийн үеэр элсэгчдэд элсэлтийн ерөнхий шалгалтын талаар мэдээлэл өгөх юм байна.
Мөн элсэлтийн ерөнхий шалгалтын бүртгэл хийх, санал гомдол, өргөдөл, хүсэлтийг хүлээн авч асуудлыг шийдвэрлэж өгөхөөр төлөвлөсөн байна. 

 Түүнчлэн энэ үеэр ЭЕШ-ын шалгалтын сорил даалгавар авч дүнг нь таницуулахаас гадна өдөрлөгт хүрэлцэн ирсэн элсэгчдэд “Элсэлтийн ерөнхий шалгалт”, “Мэргэжил сонголт” гэсэн сэдвээр лекц тавих аж. 
Мөн ЭЕШ-ын бүртгэл ирэх сарын 14- ний оройн 18:00 цагт дуусах бөгөөд хугацаа, цагийг сунгахгүй, нэмэлт бүртгэл хийхгүй гэдгийг албаныхан сануулж байлаа. 

Б.Цэлмэг

www.unen.mn